सूर्यज्योति लाइफ इन्स्योरेन्सको १८औँ वार्षिक साधारणसभा पुस ३० गते

नेपाली शेयर न्यूज । सूर्यज्योति लाइफ इन्स्योरेन्स कम्पनी लिमिटेडले आफ्नो १८औँ वार्षिक साधारणसभा पुस ३० गते बुधबार आयोजना गर्ने भएको छ। आइतबार बसेको कम्पनीको सञ्चालक समितिको बैठकले उक्त साधारणसभा विराटनगरस्थित होटल हैरिसन प्यालेसमा बिहान साढे १० बजे बस्ने निर्णय गरेको हो।

साधारणसभाले सञ्चालक समितिको प्रस्ताव अनुसार हाल कायम चुक्ता पूँजीको १३ प्रतिशत नगद लाभांश (कर सहित) शेयरधनीलाई वितरण गर्ने प्रस्ताव पारित गर्नेछ। यसका साथै सभामा गत आर्थिक वर्षको वार्षिक प्रतिवेदन, लेखापरीक्षकको प्रतिवेदन, वासलात, नाफा–नोक्सान हिसाब, नगद प्रवाह विवरण तथा तत्सम्बन्धी अनुसूचीहरू पारित गरिनेछ। चालू आर्थिक वर्षका लागि लेखापरीक्षकको नियुक्ति तथा पारिश्रमिक निर्धारणसम्बन्धी प्रस्ताव पनि सभामा प्रस्तुत गरिनेछ।

साधारणसभा तथा लाभांश वितरण प्रयोजनका लागि कम्पनीले पुस १८ गते एक दिनका लागि बुक क्लोज गर्ने जनाएको छ। त्यसअनुसार नेप्सेमा पुस १७ गतेसम्म कायम शेयरधनी मात्र साधारणसभामा सहभागी हुन तथा लाभांश प्राप्त गर्न योग्य हुनेछन्।