रिलायन्स स्पिनिङ्ग मिल्सको आईपीओ बाँडफाँट

नेपाली शेयर न्यूज । रिलायन्स स्पिनिङ्ग मिल्सले वैदेशिक रोजगारीमा रहेका नेपालीहरुका लागि निष्काशन गरेको आईपीओको बाँडफाँट गरेको छ। कम्पनीले गत मंसिर २२ देखि २५ गतेसम्म प्रतिकित्ता ८२० रुपैयाँ ८० पैसामा १ लाख १५ हजार ५९६ कित्ता शेयर निष्काशन गरेको थियो। यसमा ३५ हजार १०२ जनाले १९ लाख ४४ हजार ३३० कित्ता शेयरका लागि आवेदन दिएका थिए, र सबै आवेदन स्वीकृत भएका छन्।

मागभन्दा बढी आवेदन परेको हुँदा बाँडफाँट गोलाप्रथा प्रक्रियामार्फत गरिएको थियो। यसअनुसार २ हजार ३११ जना आवेदकले ५० कित्ता शेयर प्राप्त गरेका छन्। बाँडफाँट प्रक्रियामा बाँकी रहेका ४६ कित्ता शेयर ती लगानीकर्तामा थप एक कित्ताका दरले बाँडफाँट गरिएको छ, जसअन्तर्गत २ हजार ३११ मध्ये ४६ जनाले ५१ कित्ता शेयर प्राप्त गरेका छन्।