नेपाली शेयर न्यूज । हाल देशभर एटीएम बुथमा वाणिज्य बैंकहरूको हिस्सा करिब ९३ प्रतिशत रहेको छ। नेपाल राष्ट्र बैंकले सार्वजनिक गरेको चालु आर्थिक वर्षको कात्तिकसम्मको तथ्यांकअनुसार देशभर जम्मा ५ हजार २६८ वटा एटीएम बुथ सञ्चालनमा छन्।
यीमध्ये २० वटा वाणिज्य बैंकको मात्रै ४ हजार ८९० एटीएम बुथ रहेका छन्, जसले कुल एटीएम बुथको ९२.८२ प्रतिशत हिस्सा ओगटेको छ। त्यस्तै, १७ वटा विकास बैंकको देशभर ३३९ वटा एटीएम बुथ मात्र छन्, जसले कुल एटीएम बुथको ६.४४ प्रतिशत हिस्सा ओगटेको छ।
फाइनान्स कम्पनीहरूको अवस्था भने अझ न्यून छ। १७ वटै फाइनान्स कम्पनीहरूले हाल देशभर जम्मा ३९ वटा एटीएम बुथ सञ्चालनमा राखेका छन्, जसले कुल एटीएम बुथको केवल ०.३७ प्रतिशत हिस्सा ओगटेको छ।
