आइजीआई प्रुडेन्सियल इन्स्योरेन्सको लाभांश घोषणा

नेपाली शेयर न्यूज । आइजीआई प्रुडेन्सियल इन्स्योरेन्स लिमिटेडले शेयरधनीहरूलाई ५ प्रतिशत नगद लाभांश वितरण गर्ने प्रस्ताव गरेको छ। मंसिर २५ गते बिहान ९ बजे बसेको सञ्चालक समितिको बैठकले गत आर्थिक वर्षको वितरणयोग्य नाफाबाट हाल कायम चुक्ता पूँजीको ५ प्रतिशत नगद लाभांश (कर सहित) दिन निर्णय गरेको हो।

उक्त लाभांश प्रस्ताव नेपाल बीमा प्राधिकरणबाट स्वीकृत भई आगामी २८औं वार्षिक साधारणसभाले पारित गरेपछि शेयरधनीहरूले प्राप्त गर्नेछन्।