कालंगा हाइड्रो लिमिटेडले आज अर्थात् २०८२ चैत १० गते देखि आफ्नो साधारण सेयर (IPO) निष्कासन प्रक्रिया सुरु गरेको छ। कम्पनीले पहिलो चरणमा आयोजना प्रभावित बझाङ जिल्लाका
स्थानीय बासिन्दा र वैदेशिक रोजगारीमा रहेका नेपाली नागरिकहरूका लागि सेयर खुला गरेको हो।
लगानी सम्बन्धी जानकारी
कम्पनीको जारी पूँजी रु १.४० अर्ब रहेको छ। कुल जारी पूँजीको ३५% अर्थात् ४९ लाख कित्ता सेयर सर्वसाधारणका लागि छुट्याइएको छ। जसमध्ये:
- १०% (१४ लाख कित्ता): आयोजना प्रभावित बझाङबासीका लागि।
- २५% (३५ लाख कित्ता): सर्वसाधारणका लागि (जसमध्ये १०% अर्थात् ३.५ लाख कित्ता अहिले वैदेशिक रोजगारीमा रहेकाहरूलाई खुल्ला गरिएको हो)।
आवेदन सीमा: लगानीकर्ताले न्यूनतम १० कित्ता देखि अधिकतम २०,००० कित्ता सम्मका लागि आवेदन दिन सक्नेछन्। यस निष्कासनको बिक्री प्रबन्धकमा सानिमा क्यापिटल लिमिटेड रहेको छ।
कम्पनीको प्रोफाइल र रेटिङ
- आयोजना: १५.३३ मेगावाट क्षमताको 'कालंगा गाड जलविद्युत आयोजना' (बझाङ)।
- रेटिङ: केयर रेटिङ्स नेपालले यस कम्पनीलाई ‘CARE-NP BB (Is)’ रेटिङ प्रदान गरेको छ। यसले वित्तीय दायित्व पुरा गर्ने सम्बन्धमा मध्यम जोखिम रहेको संकेत गर्दछ।
- स्थापना: सन् २००७ मा प्राइभेट लिमिटेडको रूपमा स्थापित यो कम्पनी २०७८ असारमा पब्लिक लिमिटेडमा परिणत भएको हो।
