मिथिला सोलारमा एनआईएफको लगानी

काठमाडौं । नेपाल इन्फ्रास्ट्रक्चर्स इन्भेस्टमेन्ट फन्ड (एनआईएफ) ले जनकपुरमा रहेको १० मेगावाटको मिथिला सोलार परियोजनामा रणनीतिक लगानी सम्झौता गरेको छ। हिमालयन एभरेष्ट इन्स्योरेन्स, हिमालयन लाइफ इन्स्योरेन्स, नेपाल-री इन्स्योरेन्स र प्रभु महालक्ष्मी लाइफ इन्स्योरेन्सको प्रवर्द्धनमा स्थापित फन्डले लगानी गरेर नेपालको वैकल्पिक ऊर्जा स्रोत उपयोग बढाउने, आयातीत इन्धनमा निर्भरता घटाउने र दिगो ऊर्जा भविष्यको लक्ष्यमा योगदान पुर्याउने लक्ष्य राखेको छ।

मिथिला सोलार अन–ग्रिड प्रणालीमा आधारित १० मेगावाटको सौर्य ऊर्जा उत्पादन क्षमतासहितको परियोजना हो । परियोजनाका प्रवर्द्धक ऊर्जा डेभलपर्सले सन् २०३० सम्म १ गिगावाट कार्बन–न्यूट्रल ऊर्जा उत्पादन गर्ने महत्वाकांक्षी लक्ष्य राखेका छन्। परियोजनामा एनआईफको लगानीसँगै फन्ड नेपालमा सौर्य ऊर्जा क्षेत्रमा सबैभन्दा ठूला संस्थागत लगानीकर्तामध्येमा स्थापित भएको छ।