नेपाल लाइफ इन्स्योरेन्सको लाभांश घोषणा

नेपाली शेयर न्यूज । नेपाल लाइफ इन्स्योरेन्स कम्पनी लिमिटेडले आफ्ना शेयरधनीहरूलाई २१.०५ प्रतिशत लाभांश वितरण गर्ने प्रस्ताव गरेको छ। कम्पनीको मंसिर २४ गते बसेको सञ्चालक समितिको बैठकले गत आर्थिक वर्षको वितरणयोग्य मुनाफाबाट हाल कायम चुक्ता पूँजीको ५ प्रतिशत बोनस शेयर र १६.०५ प्रतिशत नगद लाभांश (करसहित) वितरण गर्ने निर्णय गरेको हो। कम्पनी सचिव विनोदकुमार भुजेलका अनुसार, यो प्रस्ताव नेपाल बीमा प्राधिकरणबाट स्वीकृत भएपछि, कम्पनीको २६औँ वार्षिक साधारण सभाले पारित गरेपछि सम्बन्धित शेयरधनीहरूमा वितरण गरिनेछ।