नेपाली शेयर न्यूज । प्रभु बैंक लिमिटेडले यस आर्थिक वर्षका लागि सेयरधनीलाई लाभांश नदिने निर्णय गरेको छ। बैंकका अनुसार, पुष ६ गते बसेको सञ्चालक समितिको बैठकले लाभांश वितरण नगर्ने निर्णय गरेको हो।

बैठकले बैंकको वित्तीय विवरण पनि स्वीकृत गरी वार्षिक साधारण सभामा प्रस्तुत गर्ने प्रयोजनार्थ प्रकाशनका लागि नेपाल राष्ट्र बैंकसमक्ष पेश गर्ने निर्णय गरेको छ। बैंकका अधिकारीहरूले यस निर्णय पछिका आर्थिक अवस्था र वित्तीय रणनीतिलाई ध्यानमा राखेर लाभांश वितरण नगर्ने निर्णय गरिएको जानकारी दिएका छन्।