वैशाख २५, काठमाडौँ ।
साताको अन्तिम कारोबार दिन शुक्रबार सेयर बजारमा उत्साहजनक सुधार देखिएको छ। नेप्से परिसूचक आज २७.४९ अंक (१.०१%) ले बढेर २,७४५.६५ बिन्दुमा पुगेको छ। साताभरि उतारचढावपूर्ण रहेको बजारले अन्तिम दिन सकारात्मक लय समात्दा लगानीकर्ताहरूमा नयाँ उत्साह थपिएको छ।
२३४ कम्पनीको मूल्यमा हरियाली
आज बजारमा खरिदकर्ताको स्पष्ट बाहुल्यता देखियो। दिनभरिमा कुल रु. ३ अर्ब २७ करोड ७५ लाख भन्दा बढीको सेयर कारोबार भएको छ। आज कारोबार भएका कम्पनीहरूमध्ये २३४ वटा कम्पनीको सेयर मूल्य बढेको छ भने जम्मा २७ वटा कम्पनीको मूल्यमा गिरावट आएको छ। ८ वटा कम्पनीको मूल्य भने स्थिर रह्यो।
आजको बजारमा TVCL का लगानीकर्ताले सर्वाधिक कमाएका छन्। यस कम्पनीको सेयर मूल्यमा १० प्रतिशत को वृद्धि छ। यस्तै HFIN (७.९०%) र SKHEL (५.८५%) का लगानीकर्ताहरूले पनि उल्लेख्य नाफा आर्जन गरेका छन्।
कारोबार रकमका आधारमा आज HFIN शीर्ष स्थानमा रह्यो, जसको १३ करोड ८६ लाख रुपैयाँ बराबरको सेयर किनबेच भयो। त्यसैगरी RSML (रु. १३ करोड ६४ लाख), SOHL (रु. ११ करोड ८१ लाख), NGPL (रु. ११ करोड ६३ लाख), र RIDI (रु. १० करोड १५ लाख) पनि उच्च कारोबार हुने उत्कृष्ट ५ कम्पनीको सूचीमा परेका छन्।
