Nepali Share News l
धादिङमा सञ्चालित दि निलय होटल्स लिमिटेडले सर्वसाधारणका लागि आईपीओ (IPO) जारी गर्ने प्रक्रिया अघि बढाएको छ। यस विषयमा निर्णय लिन कम्पनीले आगामी चैत १३ गते वार्षिक साधारण सभा आह्वान गरेको छ।
साधारण सभाका मुख्य कार्यसूचीहरू निम्न छन्:
- आईपीओ निष्काशन: सर्वसाधारणका लागि प्राथमिक शेयर जारी गर्ने प्रस्ताव पारित गर्ने।
- पूँजी व्यवस्थापन: बैंक तथा वित्तीय संस्थाबाट ऋण लिने वा अन्य माध्यमबाट लगानी जुटाउने।
- सञ्चालक नियुक्ति: स्वतन्त्र सञ्चालकको नियुक्तिलाई अनुमोदन गर्ने।
- मर्जर र एक्विजिसन: भविष्यमा आवश्यकता अनुसार अन्य कम्पनीसँग गाभिने वा प्राप्ति गर्ने बाटो खुल्ला राख्ने।
- वित्तीय समीक्षा: गत आर्थिक वर्षको वासलात, नाफा-नोक्सान लगायतका वित्तीय विवरणहरू पारित गर्ने।
फागुन १९ गते बसेको सञ्चालक समितिको बैठकले धादिङको थाक्रेस्थित होटल परिसरमै सभा गर्ने निर्णय गरेको हो। सभाबाट प्रस्ताव स्वीकृत भएपछि कम्पनीले नियामक निकाय (सेबोन) सँग अनुमति मागेर आईपीओ निष्काशनको काम अघि बढाउनेछ।
