Nepali Share News l
डोलेश्वर भिलेज रिसोर्ट एण्ड फार्म हाउसले सर्वसाधारणका लागि आफ्नो सेयर (आईपीओ) निष्कासन गर्ने प्रक्रिया अघि बढाएको छ। यसका लागि कम्पनीले अनुमतिको माग गर्दै छिट्टै नेपाल धितोपत्र बोर्ड (सेबोन) मा आवेदन दिने भएको छ।
हालै सम्पन्न कम्पनीको विशेष साधारण सभाले आफ्नो कुल जारी पुँजीको ३० प्रतिशत हिस्सा बराबरको सेयर सर्वसाधारणलाई दिने प्रस्ताव अनुमोदन गरिसकेको छ। यसअनुसार कम्पनीले १०० रुपैयाँ अंकित मूल्यका कुल १६ लाख २० हजार कित्ता सेयर बजारमा ल्याउनेछ। धितोपत्र बोर्डले स्वीकृति दिएपछि उक्त सेयर निष्कासनको बाटो खुल्नेछ।
आईपीओ निष्कासन र बाँडफाँटको सम्पूर्ण काम व्यवस्थापन गर्नका लागि कम्पनीले सिटिजन्स क्यापिटल लिमिटेडलाई आफ्नो बिक्री प्रबन्धक (Issue Manager) का रूपमा नियुक्त समेत गरिसकेको छ।
