Nepali Share News l
आज बिहीबार, २८ फागुन २०८२ मा ज्योति विकास बैंकको १८औँ वार्षिक साधारणसभा आयोजना हुँदैछ। काठमाडौंको नक्सालस्थित लिसारा रिसेप्सनमा बिहान ११ बजेदेखि सभा सुरु हुने तय भएको छ।
सभाका मुख्य एजेन्डाहरू:
- वित्तीय प्रतिवेदन पारित: आर्थिक वर्ष २०८१/८२ को वार्षिक प्रतिवेदन, नाफा–नोक्सान हिसाब, र नगद प्रवाह विवरण लगायतका वित्तीय विवरणहरूमाथि छलफल गरी पारित गर्ने।
- एकीकृत वित्तीय विवरण: बैंकको सहायक कम्पनी ज्योति क्यापिटल लिमिटेड सहितको एकीकृत वित्तीय विवरणलाई स्वीकृत गर्ने।
- लेखापरीक्षक नियुक्ति: चालु आर्थिक वर्षका लागि लेखापरीक्षकको नियुक्ति गर्ने र निजको पारिश्रमिक निर्धारण गर्ने।
- लाभांश सम्बन्धी जानकारी: बैंकले यस पटक सेयरधनीहरूलाई कुनै पनि लाभांश वितरण नगर्ने निर्णय गरेको छ, त्यसैले लाभांश सम्बन्धी कुनै प्रस्ताव सभामा हुने छैन।
सेयरधनीका लागि जानकारी:
- बूक क्लोज: साधारणसभा प्रयोजनका लागि बैंकले फागुन १४ गते एक दिन सेयरधनी दर्ता किताब बन्द (Book Close) गरेको थियो।
- सहभागिता: नेप्सेको तथ्यांक अनुसार फागुन १३ गतेसम्म कायम रहेका सेयरधनीहरूले मात्र यस सभामा भाग लिन पाउनेछन्।
