नेपाल स्टक एक्सचेन्ज (NEPSE) आज ८३.३३ अंक (३.११%) ले बढेर २,७६०.०२ बिन्दुमा बन्द भएको छ। हिजोको भारी गिरावटपछि सस्तो मूल्यमा सेयर उठाउने होडबाजी चल्दा बजारमा हरियाली छाएको हो।
बजारको मुख्य तथ्याङ्क
आजको कारोबारमा खरिदकर्ताहरूको वर्चस्व प्रष्ट देखियो:
- कुल कारोबार रकम: रु. १० अर्ब ९२ करोड ८५ लाख भन्दा बढी
- बढेका कम्पनी (Advanced): २६४
- घटेका कम्पनी (Declined): जम्मा ३
- कुल कारोबार संख्या: १,२४,०९३ पटक
डा. स्वर्णिम वाग्ले र ब्रोकर एशोसिएसनबीचको भेटवार्ता
आजको बजार सुधारमा राजनीतिक र नीतिगत सकारात्मकताले ठूलो काम गरेको छ। नयाँ सरकारका प्रभावशाली व्यक्तित्व तथा अर्थतन्त्रका विज्ञ डा. स्वर्णिम वाग्ले र स्टक ब्रोकर एशोसिएसन अफ नेपाल का प्रतिनिधिहरूबीच आज महत्वपूर्ण भेटवार्ता भएको छ।
यस भेटमा डा. वाग्लेले सेयर बजारलाई अर्थतन्त्रको ऐनाको रूपमा परिभाषित गर्दै वर्तमान सरकार बजारप्रति सकारात्मक रहेको र लगानीकर्तालाई त्रसित बनाउने कुनै पनि कदम नचालिने आश्वासन दिएका छन्। उनले बजारमा देखिएका नीतिगत गाँठो फुकाउन र पुँजी बजारलाई अझ पारदर्शी एवं प्रविधिमैत्री बनाउन सरकार प्रतिबद्ध रहेको बताएका थिए। यस सकारात्मक सन्देशले गर्दा हिजो त्रसित भएका लगानीकर्ताहरू आज पुनः उत्साहित भएर खरिदमा लागेका हुन्।
आजका मुख्य कम्पनीहरू
आज ५ वटा कम्पनीको सेयर मूल्यमा १० प्रतिशतको सकारात्मक सर्किट लागेको छ:
- Upakar Laghubitta (ULBSL): ३,२८९.०० रुपैयाँ
- Barun Hydropower (BJHL): ८४७.०० रुपैयाँ
- Radhi Bidyut Co. (RIDI): ३४७.६० रुपैयाँ
- National Hydro (NHPC): २७६.१० रुपैयाँ
- Super Khudi Hydropower (SKHL): ७०७.१० रुपैयाँ
सर्वाधिक कारोबार हुनेमा रिलायन्स स्पिनिङ मिल्स (RSML) १ अर्ब १३ करोड रुपैयाँभन्दा बढीको कारोबारसहित शीर्ष स्थानमा रह्यो, जसको मूल्य ३,५०९ रुपैयाँ कायम भएको छ।
