शेयर बजारमा यो हप्ता Bullish Trend : बढ्दै लगानीकर्ताको विश्वास

नेपाली शेयर न्यूज/ शेयर बजार यो हप्ता सुखद् रह्यो । विशेषगरी साताको कारोबारको पहिलो दिन आइतबारबाटै शेयर बजारमा हरियाली छायो भने यसलाई कारोबारको अन्तिम दिन बिहीबारसम्म निरन्तरता दियो । यो हप्ताको शेयर बजारलाई सकारात्मक र बुलिश ट्रेन्डमा रुपमा हेर्न सकिन्छ ।

बजारमा बुलिस मारा बुजु क्यान्डल बनेको छ, जसले बुलहरुको मोमेन्टम हाबी भएको संकेत दिन्छ । यस क्रममा भोलुमले पनि साथ दिएको छ । अघिल्लो हप्ताको २०.३९६ अर्बको कारोबारको तुलना गर्दा, यो हप्ताको कारोबार ३२.४३७ अर्ब पुगेको छ । कारोबार रकममा झन्डै ५० प्रतिशत भन्दा बढी वृद्धि देखिएको छ ।

यसले जेन्जी आन्दोलनपछिका समयमा अलिकति घटेको लगानीकर्ताको विश्वास बजारले फेरि बढाउन थालेको संकेत देखाउँछ । डेली चार्ट अनुसार बजारले सकारात्मक क्यारेक्टर देखाएको थियो भने साप्ताहिक आधारमा पनि उच्च हाइ र उच्च लोको प्याटर्न कायम भएको छ । भोलुम बढ्दै गइरहेकोले यो बजारका लागि सकारात्मक संकेतको रूपमा लिइएको छ ।

सेक्टर अनुसार हाइड्रोपावर र इन्भेस्टमेन्ट सेक्टरमा नियमित टर्नओवर रहेको छ भने यस हप्तादेखि लाइफ इन्स्योरेन्स र म्यानुफ्याक्चर एण्ड प्रोसेसिङमा पनि कारोबार बढ्न थालेको छ । यसले लगानीकर्ताहरूलाई सर्ट टर्म ट्रेडिङका अवसरहरू पत्ता लगाउने वातावरण प्रदान गरेको छ । बजारले देखाएको बुलिश मोमेन्टम र बढ्दो भोलुमले लगानीकर्ताको विश्वासमा सुधार आएको पुष्टि गर्छ । यसले आगामी हप्ताहरूमा पनि बजारमा सकारात्मक गतिविधि देखिने सम्भावना बढाएको छ ।