नेपाली शेयर न्यूज । सांग्रिला डेभलपमेन्ट बैंक लिमिटेडको लाभांश सुरक्षित गर्ने मंसिर २२ अन्तिम दिन रहेको छ। बैंकले लाभांश वितरण तथा वार्षिक साधारण सभा प्रयोजनका लागि मंसिर २३ देखि पुस ७ गतेसम्म बुक क्लोज गर्ने निर्णय गरेकाले, आज नेप्सेमा कारोबार भई कायम रहने सेयरधनीहरू मात्रै लाभांश प्राप्त गर्न र सभामा सहभागी हुन योग्य हुनेछन्।
बैंकले गत आर्थिक वर्षका लागि सेयरधनीहरूलाई ५ प्रतिशत बोनस सेयर र ५.३५८३ प्रतिशत नगद लाभांश (बोनस सेयरमा लाग्ने करसहित) गरी कुल १०.३५८३ प्रतिशत लाभांश वितरण प्रस्ताव गरेको छ।
यो प्रस्ताव बैंकको आगामी पुस ७ गते हुने २१ औं वार्षिक साधारण सभाबाट पारित गरी सेयरधनीहरूलाई वितरण गरिने बैंकले जनाएको छ।
