सन नेपाल लाइफको साधारण सभा सम्पन्न: २०.२६ प्रतिशत लाभांश पारित

Nepali Share News l

काठमाडौंको कालिकास्थानस्थित अमृतभोग केटरर्समा सन नेपाल लाइफ इन्स्योरेन्स कम्पनी लिमिटेडको आठौँ र नवौँ वार्षिक साधारण सभा भव्य रूपमा सम्पन्न भएको छ। सञ्चालक समितिका अध्यक्ष अनुज क्यालको अध्यक्षतामा बसेको उक्त बैठकले सेयरधनीहरूका लागि आकर्षक लाभांश प्रस्ताव पारित गरेको छ।

साधारण सभाका मुख्य निर्णयहरू:

1. लाभांश वितरण: सभाले आर्थिक वर्ष २०८१/८२ को मुनाफाबाट सेयरधनीहरूलाई कुल २०.२६३२ प्रतिशत लाभांश दिने निर्णय गरेको छ।
2. यसमा ५ प्रतिशत बोनस सेयर र १५.२६३२ प्रतिशत नगद लाभांश (कर प्रयोजनका लागि समेत) समावेश छ।
3. वित्तीय प्रतिवेदन स्वीकृत: कम्पनीले आर्थिक वर्ष २०८०/८१ र २०८१/८२ को वार्षिक प्रतिवेदन, नाफा–नोक्सान हिसाब, र नगद प्रवाह विवरण लगायतका महत्वपूर्ण वित्तीय प्रतिवेदनहरू सर्वसम्मतिले पारित गरेको छ।
4. पूँजीगत अवस्था: हाल कम्पनीको चुक्ता पूँजी ५ अर्ब ३ करोड १२ लाख ३२ हजार रुपैयाँ रहेको छ, जसमा बोनस सेयर वितरणपछि थप वृद्धि हुनेछ।

सभामा सञ्चालक किरण के.सी.ले उपस्थित सबैलाई धन्यवाद ज्ञापन गर्नुभएको थियो भने कार्यक्रमको सञ्चालन कम्पनी सचिव बिनोद शर्मा पौडेलले गर्नुभएको थियो। सभाले आगामी कार्यकालका लागि लेखापरीक्षकको नियुक्तिलाई समेत अनुमोदन गरेको छ।