वाणिज्य बैंकहरूको नाफा १९ अर्ब बढीः अधिकांशको घट्यो(सूचीसहित)

नेपाली शेयर न्यूज । चालु आर्थिक वर्षको पहिलो चार महिनासम्म वाणिज्य बैंकहरूले १९ अर्ब ३७ करोड ५४ लाख रुपैयाँ नाफा आर्जन गरेका छन्। नेपाल राष्ट्र बैंकले सार्वजनिक गरेको वित्तीय विवरण अनुसार यो नाफा गत आर्थिक वर्षको सोही अवधिको तुलनामा १३.११ प्रतिशत कम हो। गत वर्ष यतिबेलासम्म बैंकहरूको कुल नाफा २२ अर्ब २९ करोड ८६ लाख रुपैयाँ थियो।

राष्ट्र बैंकका अनुसार जेनजी आन्दोलनको प्रभाव बैंकहरूको नाफामा स्पष्ट रूपमा परेको छ। भदौ २३ र २४ गते भएको आन्दोलनका कारण क्षति पुगेपछि ऋण असुलीमा दबाब बढेको र बैंकहरूको ब्याज आम्दानी घटेकाले नाफा संकुचन भएको बताइएको छ।

अधिकांश बैंकको नाफा घट्यो

चार महिनाको अवधिमा १६ वाणिज्य बैंकको नाफा घटेको छ भने ४ बैंकले मात्रै नाफा वृद्धि गरेका छन्। सबैभन्दा धेरै नाफा कमाउने बैंकमा ग्लोबल आइएमई बैंक अग्रस्थानमा रहेको छ। बैंकले २ अर्ब ५१ करोड ३७ लाख रुपैयाँ नाफा कमाएको छ, जुन गत वर्षको तुलनामा १८.९१ प्रतिशतले वृद्धि हो।

दोस्रोमा नबिल बैंकले २ अर्ब ४६ करोड ६७ लाख रुपैयाँ नाफा कमाएको छ। तर यसको नाफा गत वर्षको तुलनामा ८.३२ प्रतिशतले घटेको छ।

अन्य बैंकहरूको नाफा

प्राइम बैंक: १ अर्ब ५८ करोड

एभरेष्ट बैंक: १ अर्ब ५१ करोड (नाफा वृद्धि गर्ने बैंकमध्ये एक)

एनएमबि बैंक: १ अर्ब १८ करोड

कुमारी बैंक: १ अर्ब १३ करोड

राष्ट्रिय वाणिज्य बैंक: १ अर्ब १३ करोड (नाफा वृद्धि गर्ने बैंक)

स्ट्याण्डर्ड चार्टर्ड बैंक: ९१ करोड ५८ लाख

हिमालयन बैंक: ८२ करोड ३२ लाख

नेपाल बैंक: ८० करोड ९८ लाख

सानिमा बैंक: ७७ करोड ९२ লাখ (नाफा वृद्धि गर्ने बैंक)

प्रभु बैंक: ७३ करोड ७७ लाख

नेपाल एसबिआई बैंक: ६७ करोड २० लाख

सिद्धार्थ बैंक: ६६ करोड २७ लाख

नेपाल इन्भेष्टमेन्ट मेगा बैंक: ६३ करोड ९ लाख

लक्ष्मी सनराइज बैंक: ६२ करोड ८१ लाख

माछापुच्छ्रे बैंक: ६० करोड ९९ लाख

एनआईसी एशिया बैंक: ३४ करोड ३४ लाख

कृषि विकास बैंक: ७ करोड ४९ लाख

सिटिजन्स बैंक: १ करोड ६४ लाख

नाफा वृद्धि गर्ने बैंक

गत वर्षको सोही अवधिको तुलनामा नाफा बढाउने बैंकमा ग्लोबल आइएमई बैंक, एभरेष्ट बैंक, राष्ट्रिय वाणिज्य बैंक र सानिमा बैंक रहेका छन्।