आकाशियो सुनको भाउ: प्रतितोला २ लाख ७६ हजार ५ सय पुग्दा चाँदी पनि उच्च बिन्दुमा

Nepali Share News l

सुनचाँदीको बजारमा आज फेरि एकपटक ठुलो उछाल आएको छ। लगातार बढिरहेको मूल्यले आजसम्मकै सबैभन्दा महँगो विन्दु छोएको हो।

सुनको मूल्यमा भारी वृद्धि

नेपाल सुनचाँदी व्यवसायी महासंघका अनुसार आज छापावाला सुनको मूल्यमा प्रतितोला १,८०० रुपैयाँको वृद्धि भएको छ। हिजो (सोमबार) प्रतितोला २,७४,७०० रुपैयाँमा कारोबार भएको सुन आज बढेर २,७६,५०० रुपैयाँ पुगेको छ।

चाँदीको मूल्यमा पनि नयाँ रेकर्ड

सुनसँगै चाँदीको भाउले पनि आज नयाँ उचाइ कायम गरेको छ। चाँदीको मूल्य प्रतितोला १४५ रुपैयाँले बढेर ५,३४० रुपैयाँ पुगेको छ, जुन अहिलेसम्मकै उच्च मूल्य हो।

१० ग्रामको बजार दर

महासंघले निर्धारण गरेको नयाँ दररेट अनुसार १० ग्राम सुन र चाँदीको मूल्य यसप्रकार छ:

1. सुन (प्रति १० ग्राम): २,३७,०५५ रुपैयाँ
2. चाँदी (प्रति १० ग्राम): ४,५७८ रुपैयाँ

अन्तर्राष्ट्रिय बजारमा देखिएको फेरबदलका कारण नेपाली बजारमा पनि सुनचाँदीको भाउले दिनहुँ नयाँ रेकर्ड बनाइरहेको व्यवसायीहरूको भनाइ छ।