नेप्सेमा दुई हाइड्रोपावरको हकप्रद सेयर सूचीकृत

नेपाली शेयर न्यूज । नेपाल स्टक एक्सचेञ्ज (नेप्से)मा दुई हाइड्रोपावर कम्पनीका हकप्रद सेयर सूचीकृत भएका छन्। शिव श्री हाइड्रोपावर र रिभर फल्स पावर कम्पनीको शतप्रतिशत दरको हकप्रद सेयर सूचीकृत भएको हो।

रिभर फल्स पावरको ७० लाख कित्ता हकप्रद सेयर नेप्सेमा सूचीकृत भएसँगै कम्पनीको कुल सूचीकृत सेयर संख्या १ करोड ४० लाख कित्ता पुगेको छ। त्यस्तै, शिव श्री हाइड्रोपावरको १ करोड ४७ लाख ६४ हजार कित्ता हकप्रद सेयर सूचीकृत भएपछि कम्पनीको कुल सूचीकृत सेयर संख्या २ करोड ९५ लाख २८ हजार कित्ता पुगेको छ। सूचीकृत हकप्रद सेयर भोलिदेखि नेप्सेमा कारोबार सुरु हुनेछ।