पिपुल्स हाइड्रोपावरले डाक्यो साधारणसभा

नेपाली शेयर न्यूज । पिपुल्स हाइड्रोपावर कम्पनी लिमिटेडले अठारौं वार्षिक साधारणसभा डाकेको छ। कम्पनीले पुस २३ गते काठमाडौंको बुद्धनगरस्थित क्वालिटी ब्याङ्क्वेटमा बिहान ११ बजे साधारणसभा बोलाएको हो ।

शेयरधनीलाई लाभांश प्रस्ताव नगरेको कम्पनीले १ः१ को अनुपातमा हकप्रद शेयर जारी गर्ने र सोबाट प्राप्त आधा रकम ऋण तिर्न र आधा रकम आयोजना निर्माणमा खर्चिने प्रस्ताव पारित गर्नेछ। सभाले गत आर्थिक वर्ष (आव) को प्रतिवेदन र वित्तीय विवरणहरू उपर छलफल गरी पारित गर्ने र चालू आवको लागि लेखापरीक्षकको नियुक्ति गरी निजको पारिश्रमिक निर्धारण गर्नेछ।

त्यसैगरी आफ्नो नाममा रहेको हिमचुली दोर्दी जलविद्युत आयोजना हिमचुली पावर कम्पनी प्रा.लि लाई हस्तान्तरण गर्ने, प्रबन्धपत्र र नियमावलीमा आवश्यक संशोधन गर्ने र यसका लागि सञ्चालक समितिलाई अख्तियारी दिनेछ। साधारणसभा प्रयोजनार्थ पुस ११ गते कम्पनीको बुक क्लोज गरिने भएकाले पुस ९ गतेसम्म नेपाल स्टक एक्सचेन्ज (नेप्से) मा कायम शेयरधनी मात्रै सभामा भाग लिन सक्नेछन्।