सोलु हाइड्रोपावरले मंसिर ७ देखि पहिलो चरणको आईपीओ निष्कासन गर्ने

काठमाडौं । सोलु हाइड्रोपावर लिमिटेडले आयोजना प्रभावित स्थानीय बासिन्दा तथा वैदेशिक रोजगारीमा रहेका नेपालीका लागि मंसिर ७ गतेदेखि पहिलो चरणको आईपीओ निष्कासन गर्ने भएको छ। कम्पनीले कात्तिक २४ गते नेपाल धितोपत्र बोर्डबाट प्रतिकित्ता १०० रुपैयाँ दरका कुल २ करोड कित्ता शेयर बिक्री गर्न अनुमति पाएको हो।

पहिलो चरणमा आयोजना प्रभावित बासिन्दालाई १ करोड कित्ता र वैदेशिक रोजगारीमा रहेका नेपालीका लागि १० लाख कित्ता आईपीओ छुट्याइएको छ।

आयोजना प्रभावित क्षेत्रका लागि कोटा विभाजन

कुल १ करोड कित्तामध्ये–

४० लाख कित्ता : सोलुखुम्बुको सोलु दुधकुण्ड–७ र ११ तथा थुलुङ दुधकोशी–१ (अति प्रभावित क्षेत्र)

६० लाख कित्ता : सोलु दुधकुण्ड नगरपालिका तथा थुलुङ दुधकोशी गाउँपालिकाका बाँकी वडाका बासिन्दा (प्रभावित क्षेत्र)

कति कित्ताको लागि आवेदन गर्न सकिन्छ?

आवेदनका लागि न्यूनतम १० कित्ता र अधिकतम १ लाख कित्ताको सीमा तोकिएको छ।

आवेदन अवधि

वैदेशिक रोजगारीमा रहेका नेपाली : मंसिर १० गतेसम्म

आयोजना प्रभावित बासिन्दा : मंसिर २१ गतेसम्म

मागअनुसार आवेदन नपरेमा वैदेशिक रोजगारीमा रहेका नेपालीको अवधि मंसिर २१ र आयोजना प्रभावितको पुस ७ सम्म बढ्न सक्नेछ।

कहाँ–कहाँबाट आवेदन दिन सकिन्छ?

स्थानीय बासिन्दा :

ग्लोबल आइएमई बैंक, सल्लेरी शाखा

लक्ष्मी सनराइज बैंक, नेले शाखा

आयोजनास्थल तिङ्गला

वैदेशिक रोजगारमा रहेका नेपाली :

सि–आस्बा सुविधा प्राप्त सबै बैंक तथा वित्तीय संस्थाका तोकिएका शाखाहरू

रेटीङ्ग र बिक्री प्रबन्धक

इन्फोमेरिक्स क्रेडिट रेटिङ नेपालले कम्पनीलाई ‘IRN Double B Issuer Rating’ प्रदान गरेको छ, जसले कम्पनीको दायित्व बहन क्षमतामा औसत जोखिम रहेको संकेत गर्छ।

आईपीओको बिक्री व्यवस्थापन नबिल इन्भेष्टमेण्ट बैंकिङ Ltd. र हिमालयन क्यापिटल Ltd. ले गर्नेछन्।

सोलु हाइड्रोपावरको पहिलो चरणको शेयर बिक्रीले स्थानीय तथा विदेशमा कार्यरत नेपाली लगानीकर्ताको चासो बढ्ने अनुमान गरिएको छ।