नासा सेक्युरिटिजसँग जोडिएर आएका समाचार भ्रामक

काठमाडौं । नासा सेक्युरिटीज कम्पनी लिमिटेडले केही अनलाइन सञ्चारमाध्यम र सामाजिक सञ्जाल प्रयोगकर्ताहरूले कम्पनी तथा यसको ग्राहकहरूको नाम जोडेर प्रसारित गरेको समाचार पूर्णरूपमा निराधार भएको स्पष्ट पारेको छ। कम्पनीले जारी गरेको विज्ञप्तिमा भनिएको छ कि नेपाल प्रहरीको केन्द्रीय अनुसन्धान ब्युरो (CIB) वा नेपाल धितोपत्र बोर्डले नासा सेक्युरिटीजमा हालसालै छापा मारेको वा बयानका लागि बोलाएको भन्ने समाचारमा कुनै सत्यता छैन। कम्पनीले सबैलाई यस्ता समाचार र पोष्टहरूको भ्रममा नपर्न अनुरोध गरेको छ।

विज्ञप्तिमा भनिएको छ कि नासा सेक्युरिटीजले नियमनकारी निकायको नीति र निर्देशनअनुसार आफ्नो सेवा सञ्चालन गर्दै आएको छ र कम्पनीका गतिविधिहरू पूर्णरूपमा कानुनी दायरामा छन्। कम्पनीले प्रति कोहीलाई आफ्नो गुनासो वा जिज्ञासा भएमा कार्यालय प्रमुख मदन पौड्यालसँग ९८५१०२५४११, ०१५९७००८४ मा वा [email protected] मार्फत सम्पर्क गर्न आग्रह गरेको छ।