शेयर बजार स्थिर, नेप्से २६०७ अंकमा

नेपाली शेयर न्यूज । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) १.६६ अंकले घटेर २६०७ अंकमा बन्द भएको छ । दिनभर बजार उतारचढाव न्यून रह्यो, अधिकतम २६१२ र न्यूनतम २६०२ अंकको बीचमा सीमित रह्यो।

राजनीतिक अस्थिरता र चुनावको अनिश्चितताले बजारमा खरिद–बिक्री दुवै पक्ष सुस्त भएको स्टक छ । कारोबार रकम ३ अर्ब ४९ करोडमा सीमित रह्यो, अघिल्लो दिनको ३ अर्ब ७३ करोडको तुलनामा घटेको हो।

आज ९८ कम्पनीको मूल्य बढ्दा १४९ को घट्यो र ११ कम्पनीको मूल्य स्थिर रह्यो। समूहगत सूचकमा उतारचढाव १ प्रतिशतभन्दा कम रह्यो।

बैंकिङ ०.१५%, जीवन बीमा ०.१८%, उत्पादन–प्रशोधन ०.९२%, माइक्रोफाइनान्स ०.०९%, व्यापार ०.०७% ले बढे। विकास बैंक ०.१९%, फाइनान्स ०.६५%, होटल–पर्यटन ०.५४%, हाइड्रोपावर ०.३६%, लगानी ०.२९%, निर्जीवन बीमा ०.१६% र अन्य समूह ०.६३% ले घटे।

शेयर बजार हाल २५८०–२६०० को डिमाण्ड जोनमा आइ सपोर्ट पाएको देखिन्छ । बजार लगातार घट्दै आएको अवस्थामा अहिले थोरै स्थिरता देखिएको छ । सोमबार बजार ३ अंकले घटेको थियो भने मंगलबार ७ अंकले बढेको र बुधबार ५ अंकले घटेको थियो ।

बजारले पहिले ठूलो रेड क्यान्डल बनाएर तीव्र गिरावट देखाइरहेको थियो, तर हालको डिमाण्ड जोनमा आएपछि घट्ने गति कम भएको छ । डेली चार्टमा हाइयर हाइ र हाइयर लो कायम देखिन्छ, जसले बजारले डिमाण्ड जोनबाट फर्किन सक्ने सम्भावना रहेको संकेत दिएको छ ।

बजारको स्थायित्व पुष्टि गर्न एक घण्टाको चार्टमा मुभिङ एभरेज च्यानलको ब्रेक आउट देखिनु आवश्यक हुन्छ । यदि ब्रेक आउट भयो भने बजारले डिमाण्ड जोनबाट समर्थन पाउँदै फर्केको मान्न सकिन्छ । यो स्तरलाई भविष्यमा बजारको सम्भावित वृद्धि वा घट्ने दिशाको महत्वपूर्ण संकेत मानिएको छ ।