विश्व लगानीकर्ता सप्ताह : दीर्घकालीन लगानीमा जोड

नेपाली शेयर न्यूज । अन्तर्राष्ट्रिय धितोपत्र नियामक संगठन (आईओएससीओ) को पहलमा मनाइँदै आएको विश्व लगानीकर्ता सप्ताह २०२५ अन्तर्गत नेपाल धितोपत्र बोर्डले लगानीकर्ता सचेतना सन्देश जारी गरेको छ।

‘Stay Informed. Stay Protected.’ भन्ने मूल नारासहित बोर्डले दीर्घकालीन रूपमा गरिने लगानीले जोखिमको सम्भावनालाई न्यून गराउन सहयोग पुग्ने उल्लेख गर्दै लगानी गर्दा यस तथ्यलाई ध्यानमा राख्न लगानीकर्तालाई आग्रह गरेको छ।

नेपाल धितोपत्र बोर्डका अनुसार छोटो अवधिको उतारचढावभन्दा दीर्घकालीन सोचका साथ गरिने लगानीले जोखिम व्यवस्थापनमा महत्वपूर्ण भूमिका खेल्ने भएकाले लगानीकर्ताले जानकारीपूर्ण र सचेत निर्णय लिनु आवश्यक छ।