ऊर्जा व्यापारमा नेपालको ऐतिहासिक सफलता: ४० मेगावाट बिजुली निर्यातबाट १.३ अर्ब आम्दानी

Nepali Share News l

नेपालको जलविद्युत् क्षेत्रमा सन् २०२५ एउटा ऐतिहासिक वर्ष सावित भएको छ। भारतसँगको त्रिपक्षीय सम्झौता अन्तर्गत बङ्गलादेशलाई ४० मेगावाट बिजुली निर्यात गरी नेपालले झन्डै १ अर्ब २९ करोड रुपैयाँ (१.२९ अर्ब) वैदेशिक मुद्रा आर्जन गर्न सफल भएको छ।

यो उपलब्धिले नेपाललाई केवल भारतमा मात्र नभई क्षेत्रीय स्तरकै ऊर्जा केन्द्रका रूपमा स्थापित गरेको छ। आफ्नै जलस्रोतको उचित प्रयोग गर्दै छिमेकी मुलुकहरूसम्म बिजुली पुर्‍याउनुले राष्ट्रिय अर्थतन्त्रमा टेवा पुग्नुका साथै नेपालीको गौरव समेत बढाएको छ। यसले भविष्यमा नेपाललाई दक्षिण एसियाकै ऊर्जा 'पावरहाउस' बनाउने ढोका खोलेको छ। सन् २०२६ बाट यसलाई बढाएर ६० मेगावाट पुर्‍याउने सहमति समेत भइसकेको छ।