विश्व लगानीकर्ता सप्ताह २०२५: लगानी विविधिकरणमा ध्यान दिन बोर्डको आग्रह

नेपाली शेयर न्यूज । विश्व लगानीकर्ता सप्ताह २०२५ को अवसरमा नेपाल धितोपत्र बोर्डले लगानीकर्तालाई सचेत रहँदै लगानी विविधिकरणमा ध्यान दिन आग्रह गरेको छ । बोर्डले लगानी विविधिकरण (Investment Diversification) ले लगानीमा हुन सक्ने जोखिम न्यूनीकरण गर्न सहयोग पुग्ने भन्दै सूचित र सुरक्षित भएर लगानी निर्णय लिन अनुरोध गरेको हो ।

“Stay informed, stay protected” भन्ने नारासहित आयोजित सचेतना कार्यक्रममा लगानीकर्ताले एउटै क्षेत्र वा साधनमा मात्र लगानी नगरी विभिन्न साधनमा लगानी फैलाउनुपर्नेमा जोड दिइएको छ । बोर्डका अनुसार लगानी विविधिकरणले जोखिम व्यवस्थापनका साथै दीर्घकालीन प्रतिफल सुनिश्चित गर्न मद्दत गर्छ । यो कार्यक्रम लगानीकर्ता सचेतना अभिवृद्धि गर्ने उद्देश्यले सञ्चालन गरिएको हो ।