लगानी गर्दा जोखिम बहन गर्न सक्ने क्षमताको मूल्यांकन गर्नुहोस्ः सेवोन

नेपाली शेयर न्यूज । विश्व लगानीकर्ता सप्ताह २०२५ को अवसरमा नेपाल धितोपत्र बोर्ड (सेवोन) ले लगानीकर्तालाई जोखिमबारे सजग रहन आग्रह गरेको छ । ‘Stay informed, stay protected’नारासहित जारी गरिएको सन्देशमा बोर्डले धितोपत्रमा लगानी गर्नु अघि आफ्नै जोखिम सहन सक्ने क्षमताको मूल्यांकन गर्न सुझाव दिएको छ ।

सेवोनले पूँजी बजारमा उतार–चढाव स्वाभाविक हुने भएकाले आवश्यक जानकारी संकलन गरेर मात्र लगानी योजना बनाउनुपर्नेमा जोड दिएको छ । बोर्डका अनुसार सचेत र जिम्मेवार लगानीकर्ताले बजारलाई स्वस्थ राख्ने भूमिका निर्वाह गर्ने भएकाले सूचना,अध्ययन र जोखिम व्यवस्थापन अत्यन्तै महत्वपूर्ण मानिन्छ । विश्व लगानीकर्ता सप्ताहका सन्दर्भमा सेवोनले लगानीकर्ताको सुरक्षाका लागि विभिन्न कार्यक्रम र सन्देश सार्वजनिक गर्दै आएको छ । बोर्डले सबैलाई सजग तथा दीर्घकालीन सोचका साथ गर्दा मात्र सुरक्षित लगानी सम्भव हुने बताउँदै पूँजी बजारसम्बन्धी सूचनामा अद्यावधिक रहन अनुरोध गरेको छ ।