विकास हाइड्रोपावरको लक इन अवधि पुसमा सकिँदै, १.७७ लाख शेयर खुल्ने

नेपाली शेयर न्यूज/ विकास हाइड्रोपावर कम्पनी लिमिटेडको लक इन अवधि यस वर्ष पुस २८ गते सकिन लागेको छ। कम्पनीको सामूहिक लगानी कोषले स्वामित्व गरेको १ लाख ७७ हजार २७५ कित्ता शेयर लक इन अवधि सकिन लागेका हुन्।

सामूहिक लगानी कोषका लागि बाँडफाँड गरिएको सेयर कम्तिमा ६ महिनासम्म लक इनमा राख्नु पर्ने प्रावधान रहेको छ। लक इन अवधि सकिएपछि यी सेयर बजारमा खुल्ने र लगानीकर्ताले खरिद–बिक्री गर्न सक्ने भएका छन्। कम्पनीले यसअघि लगानीकर्तालाई समयमै सूचना दिने प्रक्रिया पूरा गरेको छ।