राष्ट्र बैंकद्वारा दुई मनी ट्रान्सफरको इजाजतपत्र रद्द

काठमाडौं । नेपाल राष्ट्र बैंकले तोकिएको समयभित्र इजाजतपत्र नवीकरण नगरेका दुई मनी ट्रान्सफर कम्पनीहरूको इजाजतपत्र रद्द गरेको छ। राष्ट्र बैंकले लर्ड बुद्ध मनी एक्सचेञ्ज र सुपा मनी एक्सचेञ्जको इजाजतपत्र रद्द गरेको हो।

वैदेशिक विनिमय व्यवस्थापन विभागले सार्वजनिक गरेको सूचनामा कम्पनीहरूले म्याद सकिएको तीन महिनाभित्र नवीकरणका लागि अनुरोध पेश नगरेपछि उनीहरूको इजाजतपत्र खारेज गरिएको उल्लेख छ। राष्ट्र बैंकका अनुसार ‘मनी ट्रान्सफर इजाजतपत्र तथा नियमन विनियमावली, २०७७’ को दफा ९९(३) बमोजिम कारबाही गरिएको हो