शेयर बजारः दोहोरो अंकले घटेर बन्द, यी ४५ कम्पनीको शेयर मूल्य बढ्यो

नेपाल शेयर न्यूज/ साताको पहिलो दिन शेयर बजार दोहोरो अंकले घटेर बन्द भएको छ। आज नेप्से परिसूचक २६.५१ अंकले कम हुँदै २,६४९ विन्दुमा पुगेको छ । बजार घटेपनि ४५ कम्पनीको शेयर मूल्य बढेको छ भने २११ कम्पनीको मूल्य घटेको देखिएको छ । आज दिनभरिमा ३४२ कम्पनीका १ करोड ५७ लाख ३६ हजार ३७२ कित्ता शेयर किनबेच हुँदा कुल ७ अर्ब ८ करोड रुपैयाँ बराबरको कारोबार भएको छ। आज सबैभन्दा

धेरै कारोबार हुने कम्पनी हिमालयन रिइन्स्योरेन्स भएको छ, जसले २३ करोड ५ लाख रुपैयाँको कारोबार गर्‍यो। जोशी हाइड्रोपावरले २१ करोड ८१ लाख र ग्रिन भेञ्चरले २१ करोड ३५ लाख रुपैयाँ बराबरको कारोबार गरेका छन्।

आज लगानीकर्ताले सबैभन्दा धेरै कमाउने कम्पनी सागर डिष्टिलरी रहेको छ। यस कम्पनीका लगानीकर्ताले १० प्रतिशतका दरले कमाएका छन्। निफ्रा ग्रिन इनर्जी डिबेञ्चरका इकाइधनीले ९.९९ प्रतिशत, स्वस्तिक लघुवित्त, झापा इनर्जी र श्रीनगरका लगानीकर्ताले पनि ९.९९ प्रतिशतका दरले कमाएका छन्। आज सबैभन्दा धेरै गुमाउनेमा एनएमबि डिबेञ्चर २०९० रहेका छन्। यसका इकाइधनीले ८ प्रतिशतका दरले गुमाएका छन्।