बरुण हाइड्रोपावरले बोलायो साधारण सभाः लाभांश प्रस्ताव पारित गर्ने

काठमाडौं । बरुण हाइड्रोपावर कम्पनी लिमिटेडले गत आर्थिक वर्षको मुनाफाबाट शेयरधनीहरुलाई वितरण गर्ने लाभांश प्रस्ताव पारित गर्न २२औँ वार्षिक साधारण सभा बोलाएको छ।

कम्पनीले मंसिर २६ गते शुक्रबार बिहान साढे ९ बजे स्मार्ट दरबार, शंखपार्क, काठमाडौंमा सभा सञ्चालन गर्ने जनाएको छ। सभामा कम्पनीले हाल कायम चुक्ता पूँजीको ४.७५ प्रतिशत बोनस शेयर र कर प्रयोजनार्थ ०.२५ प्रतिशत नगद लाभांश वितरण गर्ने विशेष प्रस्ताव प्रस्तुत गर्नेछ। त्यस्तै, सभा प्रबन्धपत्र तथा नियमावली संशोधन गर्ने, लेखापरीक्षक नियुक्त गर्ने, संस्थागत सुशासन सम्बन्धी प्रतिवेदन स्वीकृत गर्ने लगायतका प्रस्तावहरु पनि पारित गर्नेछ।

साधारण सभा र लाभांश वितरणका लागि कम्पनीले मंसिर १४ गते बुक क्लोज गर्ने निर्णय गरेको छ। यसअनुसार, मंसिर ११ गतेसम्म नेप्सेमा कारोबार भएका शेयरधनीहरुले सभामा सहभागिता जनाउन र लाभांश प्राप्त गर्न सक्नेछन्।