पूँजीबजार सुधार नभएको भन्दै आन्दोलनमा उत्रिँदै

नेपाली शेयर न्यूज । शेयर बजार सुधार र नियामक निकायभित्र रहेको भनिएको नीतिगत भ्रष्टाचार अन्त्यको मागसहित जेनजी समूहका युवा तथा लगानीकर्ताहरूले बुधबार नेपाल धितोपत्र बोर्ड (सेबोन)मा प्रदर्शन गर्ने भएका छन् । जेनजी युवाहरूको अगुवाइमा सेबोन कार्यालय घेराउ गर्ने कार्यक्रम सार्वजनिक गरिएको छ ।

विज्ञप्तिमा भनिएको छ, नेपाल धितोपत्र बोर्डमा व्याप्त नीतिगत भ्रष्टाचारविरुद्धको लडाइँमा संयुक्त रूपमा सहभागी हुँदै एकजुट हुन सबै लगानीकर्ता, युवा र सरोकारवालालाई आह्वान गर्दछौं ।’ समितिका अनुसार पूँजीबजार सुधारका मागहरू सुनुवाइ नभइरहेका कारण आन्दोलनमा उत्रनु परेको हो। उनीहरूले सेयर बजारमा देखिएको अनियमितता, नियमन कमजोरी र लगानीकर्तामैत्री नीतिको अभाव तत्काल सुधार गर्न सरकार र नियामक निकायको ध्यानाकर्षण गराएका छन्।