झापा इनर्जीको आईपीओ नेप्सेमा सूचीकृत

काठमाडौं । नेपाल स्टक एक्सचेन्ज (नेप्से) मा झापा इनर्जी लिमिटेडको आईपीओ आज शुक्रबार सूचीकृत भएको छ। कम्पनीको ३८ लाख १ हजार ९०० कित्ता शेयर सूचीकृत गरिएको छ। यसमा सर्वसाधारणमा जारी ९ लाख ५० हजार ४७५ कित्ता र संस्थापक शेयरधनीहरूले लगानी गरेको २८ लाख ५१ हजार ४२५ कित्ता शेयर समावेश छन्।

नेप्सेले झापा इनर्जीको शेयरको पहिलो कारोबारका लागि १००.१२ रुपैयाँदेखि ३००.३६ रुपैयाँसम्मको ओपनिङ रेञ्ज तोकेको छ। आइतबार सोही रेञ्जमा स्पेशल प्रि–ओपन सेसन पश्चात दोस्रो बजारमा नियमित कारोबार हुनेछ। कम्पनीलाई नेप्सेले “झापा (जेएचएपीए)” स्टक टिकर प्रदान गरेको छ र शेयर यही नामबाट कारोबारमा आउनेछ।