‘वइट एण्ड वाच’ को अवस्थामा लगानीकर्ता

नेपाली शेयर बजार/ लगातार दोस्रो दिन बजारमा उकालो लागेको शेयर बजार बुधबार खुम्चिएको छ । अघिल्लो दिन मंगलबार नेप्से १५.७० अंकले बढेर २५६६.०७ बिन्दुमा पुगेको थियो । तर बुधबार बजारले दोहोरो अंकले गिरावट देखाएको छ । यो गिरावटले लगानीकर्ताको मनोबलमा प्रभाव परेको छ र पछिल्लो समय निरन्तर सुस्त रहेको बजारलाई थप कमजोर बनाएको छ ।

हालका दिनहरूमा बैंक तथा वित्तीय संस्थाहरूले आकर्षक लाभांश प्रस्ताव गरेको भएपनि बजार अपेक्षाअनुसार सक्रिय हुन सकेको छैन । मंगलबार बसेको मन्त्रिपरिषद् बैठकले नेप्सेको संरचना, प्रणाली र सञ्चालन सुधारका लागि उच्चस्तरीय सुझाव समिति गठन गरेको भएपनि लगानीकर्ताको मनोबलमा ठूलो परिवर्तन आएको देखिँदैन ।

ब्याजदर घट्दा पनि उत्साह कमी

बैंकको ब्याजदर निरन्तर घट्दो क्रममा रहेपनि सेयर बजारमा उत्साह फर्कन सकेको छैन । राजनीतिक अस्थिरता, विभिन्न आन्दोलनका खबर र जोखिमपूर्ण परिस्थितिले लगानीकर्तालाई सतर्क बनाएको छ । बुधबार नेप्से ४.९८ अंकले घटेर २५६१.०८ बिन्दुमा पुगेको छ । यस दिन ३३८ कम्पनीको ८३ लाख ८८ हजार कित्ता शेयर किनबेच हुँदा ३ अर्ब ७७ करोड ८६ लाख रुपैयाँको कारोबार भएको छ । बजारमा ९ उपसूचक राताम्य भएका छन् । विकास बैंक समूहको शेयर सर्वाधिक १.०९ प्रतिशतले घटेको छ । कुल ७७ कम्पनीको शेयर मूल्य बढेको छ भने १७० कम्पनीको शेयर मूल्य घटेको छ ।

सर्वाधिक कारोबार गर्ने कम्पनीहरू

बुधबार दिनभरको कारोबारमा बरुण हाइड्रोपावर पहिलो स्थानमा रहेको छ । यस कम्पनीले २७ करोड ४० लाख रुपैयाँ बराबरको शेयर कारोबार गर्दै शीर्ष स्थान सुरक्षित गरेको छ । साहस ऊर्जा दोस्रो स्थानमा रहेर १९ करोड ६० लाख रुपैयाँको कारोबार गरेको छ । तेस्रोमा राधी विद्युत् १५ करोड ९४ लाख रुपैयाँको कारोबार गरेको छ भने युनियन हाइड्रोपावरले ११ करोड ४ लाख रुपैयाँको कारोबार गर्दै चौथो स्थानमा रह्यो ।

अन्य कम्पनीहरूमा सिनर्जी पावर १० करोड ८७ लाख, शिवम सिमेन्ट १० करोड ६४ लाख, एनआरएन इन्फ्रास्ट्रक्चर १० करोड ४८ लाख, माउन्टेन इनर्जी ८ करोड ९३ लाख, नेपाल पुनर्बीमा कम्पनी ८ करोड ६ लाख, र दरमखोला हाइड्रो ७ करोड २ लाख रुपैयाँको कारोबार गरेको नेप्सेले जनाएको छ ।

सबैभन्दा बढी कारोबार गर्ने ब्रोकरहरू

बुधबार ब्रोकर नम्बर ५८, नासा सेक्युरिटीज कम्पनी लिमिटेडले २ अर्ब ९ करोड ४८ लाख रुपैयाँको खरिद र ३ अर्ब ६९ करोड ८६ लाख रुपैयाँको बिक्री गरेको छ । यसैगरी, भिजन सेक्युरिटीजले १ अर्ब ४८ करोड रुपैयाँ खरिद र १ अर्ब ३२ करोड बिक्री गरेको छ। सानी सेक्युरिटीजले १ अर्ब ५० करोड खरिद र ९८ करोड बिक्री गरेको छ भने इम्पेरियल सेक्युरिटीजले १ अर्ब ४० करोड खरिद र ९९ करोड बिक्री गरेको छ। अनलाइन सेक्युरिटीजले १ अर्ब ३१ करोड खरिद र १ अर्ब ४ करोड बिक्री गरेको छ ।

बजारको प्रवृत्ति र टेक्निकल विश्लेषण

नेप्से बजारले करिब ३००० बिन्दुबाट निरन्तर घट्दै गरेको छ । बजारले लगातार लो हाइ र लोयर लो बनाइरहेको छ, जसलाई टेक्निकल विश्लेषणमा डाउन ट्रेण्डको संकेत मानिन्छ । हाल बजार करिब २५३० बिन्दु वरिपरि फर्किएको छ । यो फर्किएको बिन्दुलाई टेक्निकल रूपमा हाइगर लो मान्न, अघिल्लो उच्च स्तर करिब २६५० बिन्दुको ब्रेकआउट आवश्यक देखिन्छ ।

बुधबारको दिन स्पिनी टप क्यान्डल बनेको छ । यदि बजारले हाइ प्वाइन्ट २५८० लाई ब्रेकआउट गर्न सफल भयो भने पुरानो हाइ २६५० लाई भिजिट गर्ने सम्भावना बढ्नेछ । तर यदि लो प्वाइन्ट २५५० लाई ब्रेकडाउन ग¥यो भने बजार पुरानो जोनतिर फर्कने सम्भावना बढ्नेछ ।

केही प्रमुख इन्डिकेटरहरूमा हेरियो भने, बजार यो हप्ता तलतल नै कारोबार भएको देखिन्छ । बजारले २५८० को लेभललाई रेसिस्ट्यान्स बनाइरहेको छ । यो स्तरलाई मजबुत ब्रेकआउट गर्न सकेमा बजारको ट्रेन्ड अलि सकारात्मक बन्न सक्छ । एमएसिडि इन्डिकेटर जिरो लाइनभन्दा तल छ । यदि जिरो लेभल ब्रेकआउट भयो भने वाइ सिंगल जेनेरेट हुने सम्भावना छ ।

आरएसआई ४५ को स्तरमा छ, जुन नन ट्रेडिङ जोनको सूचक हो । यदि आरएसआई ६० भन्दा माथि पुग्छ भने वाइ सिंगल जेनेरेट हुने देखिन्छ । यसले लगानीकर्ताहरूले अहिले डिमाण्ड जोनमा प्रतीक्षा गर्दै छन्, वा सप्लाइ जोनको मजबूत ब्रेकआउटपछि राम्रो इन्ट्रि गर्ने योजना बनाइरहेका छन् । भोल्युमले पनि यस कुरालाई प्रमाणित गरेको छ ।

यदि बजारले २५८० को लेभललाई ब्रेकआउट गर्न सफल भयो भने २६५० बिन्दुको उच्च स्तरसम्म पुग्ने सम्भावना रहन्छ । यसले बजारलाई सकारात्मक ट्रेन्डतर्फ धकेल्न सक्छ । तर यदि २५५० को स्तरमा गिरावट भयो भने पुरानो जोनतिर फर्कने सम्भावना रहन्छ । टेक्निकल र फन्डामेन्टल दुवै दृष्टिले बजारले सुधारका संकेत देखाएको भएपनि स्थिरता प्राप्त गर्न अझ समय आवश्यक छ । लगानीकर्ताले वाइट एण्ड वाच रणनीति अपनाइरहेका छन् ।

यदि बजारले छोटो समयमै प्रमुख रेसिस्ट्यान्स ब्रेकआउट गर्न सफल भयो भने लगानीकर्ताका लागि अवसर खुल्नेछ । अन्यथा, अस्थिरता कायम रहनेछ र बजार अझै लो ट्रेण्डमा रहने सम्भावना छ ।