रिज लाइन इनर्जीलाई आईपीओ निष्काशनको अनुमति

नेपाली शेयर न्यूज । नेपाल धितोपत्र बोर्डले रिज लाइन इनर्जी प्रालिलाई प्राथमिक शेयर निष्कासनको अनुमति दिएको छ । बोर्डको निर्णय अनुसार कम्पनीले अंकित मूल्य रु. १०० मा कुल २६ लाख ७ हजार कित्ता सेयर सर्वसाधारणलाई जारी गर्नेछ ।

कम्पनीको कुल सेयरको २० प्रतिशत सर्वसाधारण समूहका लागि उपलब्ध गराइनेछ भने बाँकी ८० प्रतिशत सेयर संस्थापक समूहको हातमा रहनेछ । निष्कासन तथा बिक्री प्रबन्धकको जिम्मेवारी प्रभु क्यापिटलले सम्हालेको छ । रिज लाइन इनर्जीले गोरखामा ९ मेगावाट क्षमताको हाइड्रोपावर आयोजना निर्माण गरेको छ । कम्पनीले आईपीओमार्फत प्राप्त रकमलाई आयोजना सञ्चालन तथा विस्तारमा प्रयोग गर्ने योजना बनाएको छ ।