शेयर बजारमा हरियालीः नेप्से ३९.९२ अंकले बढेर २६००.२२ बिन्दुमा

नेपाली शेयर न्यूज/ लगातार खुम्चिँदै आएको शेयर बजार साताको कारोबारको पहिलो दिन आइतबार भने उल्लेखनीय सुधार आएको छ । आइतबार दोहोरो अंकले वृद्धि भएको हो। विशेषगरी बैंक तथा वित्तीय संस्थाहरूले लाभांश घोषणा गरिरहेका बेला बजारमा लगानी उत्साह बढेको विश्लेषकहरूले बताएका छन्।

लाभांश सिजनले शेयर बजारलाई सकारात्मक ऊर्जा प्रदान गरेको देखिएको छ। सरकारले नेप्सेको संरचना, प्रणाली र सञ्चालन सुधारका लागि उच्चस्तरीय सुझाव समिति गठन गरेको छ भने नियामक निकाय पनि पुँजी बजारको सुधार र व्यवस्थापनमा गम्भीर देखिएको छ।

बैंकको ब्याजदर निरन्तर घटिरहेकोले लगानीयोग्य वातावरण सिर्जना भएको छ।

राजनीतिक अस्थिरताका बाबजुँद आन्दोलनका खबर आएपनि शनिबार साँझ मात्र दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाभियान नेपाल’का प्रतिनिधिसँगको वार्तामा नेपाल बन्द घोषणा फिर्ता भएको थियो ।

आइतबार नेपाल स्टक एक्सचेञ्ज (नेप्से) ३९.९२ अंकले बढेर २६००.२२ बिन्दुमा पुगेको छ। आज ३३४ कम्पनीको १ करोड ३३ लाख ८१ हजार कित्ता शेयर किनबेच हुँदा ६ अर्ब २८ करोड ६७ लाख ३३ हजार रुपैयाँको कारोबार भएको छ। यस दिन १२ उपसूचकमा हरियाली देखिएको छ।

वाणिज्य बैंक समूहको शेयर मूल्य १.३६ प्रतिशत, विकास बैंक समूह १.८४ प्रतिशत, फाइनान्स समूह १.६१ प्रतिशत र होटल तथा पर्यटन समूह १.५७ प्रतिशतले वृद्धि भएको छ। आज २३७ कम्पनीको शेयर मूल्य बढेको छ भने १८ कम्पनी घटेको छ। २ कम्पनीको शेयर स्थिर रहेको छ।

आइतबार टप कारोबार गर्ने ब्रोकरहरु