सोलु हाइड्रोपावरको आइपीओ भर्नुभयो, आज अन्तिम दिन

नेपाली शेयर न्यूज/ सोलु हाइड्रोपावरको पहिलो चरणमा आयोजना प्रभावित क्षेत्रका स्थानीय बासिन्दाका लागि जारी गरिएको आइपीओ पर्ने आज अन्तिम दिन रहेको छ । कम्पनीले गत मंसिर ७ गतेदेखि आयोजना प्रभावित क्षेत्रका स्थानी र वैदेशिक रोजगारमा रहेका नेपालीका लागि आइपीओ बिक्री खुला गरेको थियो । वैदेशिक रोजगारमा रहेका नेपालीका लागि आइपीओ निष्कासन बन्द भइसकेको छ। अब आयोजना प्रभावित स्थानीयका लागि आज साँझ बैंकिङपछि आइपीओ

जारी अवधि बन्द हुने भएको हो ।

नेपाल धितोपत्र बोर्डले यो कम्पनीलाई १०० रुपैयाँ अंकित दरका २ करोड कित्ता आइपीओ जारी गर्न अनुमति दिएको छ । पहिलो चरणमा कम्पनीले सोलुखुम्बु जिल्लाको आयोजना प्रभावित क्षेत्रका लागि छुट्याइएको १ करोड कित्तामध्ये आयोजना अतिप्रभावित क्षेत्र सोलु दूधकुण्ड नगरपालिकाको वडा नं. ७, ११ र थुलुङ दुधकोशी गाउँपालिकाको वडा नं. १ को बासिन्दाका लागि ४० लाख कित्ता तथा सोलु दुधकुण्ड नगरपालिका र थुलुङ दुधकोशी गाउँपालिकाको अतिप्रभावित वडाबाहेक अन्य वडालाई ६० प्रतिशत अर्थात ६० लाख कित्ता आइपीओ बिक्री खुला गरेको छ।

आयोजना प्रभावित स्थानीयले न्यूनतम १० कित्ता र अधिकतममा १ लाख कित्ताका लागि आवेदन दिन सक्नेछन् । आवेदन ग्लोबल आइएमई बैंकको सल्लेरी र सोलुखुम्बु शाखा, लक्ष्मी सनराइज बैंकको नेले र सोलुखुम्बु शाखा तथा आयोजनास्थल तिंगलामा दिन सकिन्छ। आइपीओ बिक्री प्रबन्धकमा नबिल इन्भेस्टमेन्ट बैंकिङ र हिमालयन क्यापिटल रहेका छन्।