नेप्से ९.७८ अंक बढ्यो, कारोबार ३ अर्ब ९४ करोड नाघ्यो

काठमाडौं । साताको दोस्रो कारोबार दिन सोमबार नेप्से परिसूचक ९.७८ अंक बढेर २५५०.३६ विन्दुमा पुगेको छ। सेन्सेटिभ, फ्लोट र सेन्सेटिभ फ्लोट इन्डेक्स पनि सामान्य अंकले बढेका छन्।

यस दिन बजारमा ३३५ स्टकको ६१ हजारभन्दा बढी पटकको कारोबार हुँदै ३ अर्ब ९४ करोड रुपैयाँ बराबरको ८८ लाख ९३ हजार कित्ता शेयर किनबेच भयो। चार स्टक बन्दीपुर केबलकार, सागर डिष्टिलरी, बुङ्गल हाइड्रो र झापा इनर्जी सकारात्मक सर्किटमा पुगे। ग्रीन डेभलपमेन्ट बैंक करिब ९% र जोशी हाइड्रो ८% बढी बढे। भूगोल इनर्जीको मूल्य ९.९९% घट्दै दिनभरकै सबैभन्दा ठूलो गिरावट भयो।

कारोबार रकममा साहस उर्जा अग्रस्थानमा रह्यो । एनआरएन इन्फ्रास्ट्रक्चर र शिवम् सिमेन्टको कारोबार पनि १६ करोड नाघ्यो। १३ उपसमूहमध्ये ११ उपसमूह हरियो देखिए। विकास बैंक उपसमूह १.५०% ले बढ्दै सर्वोच्च रह्यो, जबकि निर्जीवन बीमा र अन्य उपसमूह मात्र घटे।