एसवाई प्यानलको पहिलो कारोबार ३१९ रुपैयाँ ८० पैसा

नेपाली शेयर न्यूज । स्पेशल प्रि–ओपन सेसनमार्फत एसवाई प्यानल नेपाल लिमिटेडको पहिलो शेयर कारोबार नेप्सेमा भएको छ । कम्पनीको शेयर प्रति कित्ता ३१९ रुपैयाँ ८० पैसामा पहिलोपटक कारोबार भएको हो।

कम्पनीले सर्वसाधारणमा वितरण गरेको ५२ लाख ३२ हजार ५४८ कित्ता र संस्थापक शेयरधनीले लगानी गरेको ७८ लाख ४८ हजार ८२३ कित्ता शेयर मिलाएर कुल १ करोड ३० लाख ८१ हजार ३७१ कित्ता शेयर मंगलबार नेप्सेमा सूचीकृत भएको हो।

पहिलो कारोबारका लागि नेप्सेले कम्पनीलाई १०६ रुपैयाँ ६१ पैसादेखि ३१९ रुपैयाँ ८३ पैसासम्मको ओपनिङ्ग रेंज तोकेको थियो। सोही रेंजअनुसार आजको स्पेशल प्रि–ओपन सेसनमा कम्पनीको शेयर पहिलोपटक कारोबार भएको हो।